Os ydych yn chwilio am gyfle i gwrdd â phobl newydd neu gydweithio â'ch cymuned leol, gall rôl gwirfoddolwr codi arian fod yn berffaith i chi. 

Rôl ad hoc yw hon, sy'n golygu y byddwn yn cysylltu â chi pan fydd digwyddiadau neu gyfleoedd eraill yn eich ardal leol. Byddwn yn ceisio eich galw ar gyfer gweithgareddau sy'n berthnasol i'ch sgiliau, diddordebau ac arbenigedd. 

Mae sawl ffordd y gallwch gymryd rhan, boed hynny'n annibynnol neu mewn digwyddiadau a gaiff eu trefnu gan yr elusen. Gallwch ddewis yr elfennau o'r rôl sydd fwyaf addas i'ch sgiliau a'ch argaeledd. Dyma rai o'r ffyrdd y gallech ddod yn llysgennad i'r brand:

• Mynychu digwyddiadau, megis sioeau amaethyddol, carnifalau, neu weithgareddau chwaraeon i gynrychioli'r elusen.

• Helpu i gasglu arian er mwyn codi arian hanfodol.

• Mynychu digwyddiadau cyflwyno sieciau neu gasglu rhoddion ar ran yr elusen.

• Casglu bwcedi casglu arian sy'n llawn a gosod rhai newydd yn eu lle yn eich ardal leol.

• Gwisgo un o'n gwisgoedd masgot er mwyn helpu i godi arian mewn digwyddiadau lleol.

• Rhoi cyflwyniadau byr i grwpiau neu ysgolion yn sôn am waith yr elusen.

Beth y gallwn ei gynnig i chi?

• Byddwch yn cael sesiwn sefydlu gychwynnol i Elusen Ambiwlans Awyr Cymru.
• Bydd aelod o'r staff yn gweithredu fel eich cyswllt penodol a fydd yn eich cefnogi ac yn ateb unrhyw gwestiynau a all fod gennych.
• Byddwch yn cael y cyfle i ymweld ag un o'n gwasanaethau awyr.
• Cewch eich ad-dalu am dreuliau cymeradwy ac yn cael lwfans teithio.
• Byddwch yn cael hyfforddiant sy'n berthnasol i'r rôl.
• Byddwch yn aelod o dîm gwych ac yn gwneud ffrindiau newydd.
• Cewch ymdeimlad o falchder yn gwybod eich bod yn helpu i achub bywyd rhywun drwy roi o'ch amser.

Ymunwch â ni