Gwirfoddoli i Ambiwlans Awyr Cymru

Mae ein gwirfoddolwyr yn rhan annatod o Ambiwlans Awyr Cymru; maent yn darparu gwybodaeth ychwanegol, sgiliau a chymorth parhaus sy'n cefnogi'r Elusen ar draws ein swyddogaethau, drwy fynd i ddigwyddiadau codi arian yn y gymuned, helpu yn ein siopau neu weithredu fel Ymddiriedolwyr.

Ni fyddai'n bosibl i ni ddarparu ein gwasanaethau achub bywydau heb ein gwirfoddolwyr, ac rydym yn siŵr y byddwch yn mwynhau eich amser gyda ni ni waeth pa ddull o'n helpu y byddwch yn ei ddewis.

"Ein gwirfoddolwyr yw asgwrn gefn a chalon ein Helusen. Maent yn ein helpu i gyflawni ein hamcanion ac maent yn hanfodol i'r gwaith o godi'r arian sy'n ein galluogi i achub bywydau ledled Cymru.

Rydym yn falch o weithio gyda thîm o wirfoddolwyr amrywiol sy'n dod ag ystod eang o sgiliau a phrofiad ac sy'n ein helpu i wneud ein gwaith hollbwysig.

Gobeithio y byddwch yn mwynhau eich amser gyda ni, y bydd y gwaith yn rhoi boddhad i chi, ac y byddwch yn teimlo eich bod yn aelod o dîm ymroddedig."

Manteision Gwirfoddoli

P'un a ydych yn awyddus i roi cynnig ar rywbeth newydd neu ddefnyddio eich sgiliau presennol, mae rhywbeth i bawb.

Dywedir bod tua 20 miliwn o bobl yn gwirfoddoli yn y DU o leiaf unwaith y flwyddyn – gan gyfrannu tua £24 biliwn i'r economi.

Yn ôl adroddiad Cymdeithas Sifil y DU ar gyfer 2019 gwnaeth bron i bedwar o bob 10 person wirfoddoli'n ffurfiol yn 2017/18.

Fodd bynnag, roedd tua saith o'r 10 person a gymerodd ran yn yr arolwg 'Time Well Spent' wedi gwirfoddoli ar ryw adeg yn eu bywydau.

Pan fyddwch yn dewis gwirfoddoli i Ambiwlans Awyr Cymru, byddwch yn dod yn rhan o dîm arbennig sy'n anelu at godi arian i sicrhau y gall ein pedwar hofrennydd coch barhau i hedfan ledled Cymru. P'un a ydych yn awyddus i roi cynnig ar rywbeth newydd neu ddefnyddio eich sgiliau presennol, mae rhywbeth i bawb.

Felly, sut mae pobl yn cael budd o wirfoddoli?

Yn amlwg, un o'r prif resymau pam bod pobl yn gwirfoddoli yw eu bod am gyfrannu at achos y maent wir yn credu ynddo. Drwy ymuno ag Ambiwlans Awyr Cymru, byddwch yn ymuno â band o wirfoddolwyr sydd yr un mor frwdfrydig am fod yn rhan o elusen mor bwysig.

Latest

Cymorth parhaus gan wraig o Ynys Môn a seren Bidding Room

Mae gwraig o Ynys Môn wedi ymuno â seren Bidding Room, Simon Bower, am yr ail flwyddyn yn olynol er mwyn gwerthu eitemau er budd Ambiwlans Awyr Cymru.
Tri dynamig yn mynd am antur yn Affrica er budd elusen Cymru gyfan

Bydd perchennog busnes o dde Cymru yn mynd i Affrica ar "antur arwrol" yr haf hwn, yn codi arian ar gyfer Elusen Ambiwlans Awyr Cymru ar hyd y ffordd.
Cerddwyr o bob gallu yn cael eu hannog i gofrestru ar gyfer Taith Gerdded Toriad Gwawr er budd Elusen Cymru gyfan

Mae arbenigwr coffi yng Ngorllewin Cymru yn benderfynol o wella eich hwyliau mis Mai hwn gyda thaith gerdded elusennol ar gyfer Ambiwlans Awyr Cymru.
Staff iechyd yn codi cannoedd o bunnoedd ar gyfer Elusen Cymru gyfan drwy gynnal digwyddiad coffi a chacen!

Mae Staff Bwrdd Iechyd Prifysgol Caerdydd a'r Fro wedi rhoi ffedogau ymlaen yn hytrach na'u sgrybs er mwyn helpu i godi arian ar gyfer Elusen Ambiwlans Awyr Cymru.