Ffermwyr Ifanc yn paratoi ar gyfer taith elusennol tractors wedi eu Bydd chwaraewr rygbi rhyngwladol Cymru, Dan Lydiate yn beirniadu sawl gwobr cyn i Glwb Ffermwyr Ifanc Pontfaen gychwyn ar daith tractors elusennol y Llywydd, ddydd Sul (19 Rhagfyr). Bydd y digwyddiad gwych hwn yn codi arian ar gyfer Ambiwlans Awyr Cymru a Cymorth Canser Macmillan. Bydd y tractors yn cyfarfod ym Marchnad Aberhonddu o 3:30pm ymlaen a bydd y beirniad yn dechrau ar y gwaith o ddewis yr enillwyr am 4pm. Yn anffodus ni chaniateir gwylwyr yn y farchnad. Dywedodd Ysgrifennydd y Clwb, Sian Healey: “Rydym oll yn gwybod pa mor bwysig yw Ambiwlans Awyr Cymru i'n cymunedau gwledig, ynghyd â gwaith Cymorth Canser Macmillan. “Bydd Dan Lydiate yn bresennol ac yn dewis y Tractor sydd wedi'i Addurno Orau a'r Gyrrwr â'r Wisg Orau, a bydd y gwobrau yn cael eu rhoi gan Wynnstay.” Bydd Siôn Corn a'i gorachod wedi eu lleoli ar hyd y daith ac ar y diwedd ym maes parcio Morrisons Aberhonddu â'u bwcedi casglu arian ar gyfer y ddwy elusen. Mae llwybr ac amserlen y daith fel a ganlyn: Gadael Marchnad Aberhonddu – 4:15pm Cylchfan Brynich – 4:25pm Groesffordd – 4:30pm Troedyrhan – 4:35pm Hills (Bishops Meadow) – 4:40pm Llandew – 4:45pm Garthbrengy – 5:00pm Llandefaelog – 5:10pm Cradoc – 5:20pm Y Batel – 5:25pm Pontfaen – 5:30pm Merthyr Cynog – 5:40pm Capel Uchaf – 5:55pm Capel Isaf – 6:10pm Pwllgloyw – 6:15pm Maes Parcio Morrisons – 6:30pm Bydd Maer Aberhonddu, John Powell hefyd yn bresennol ac yn rhannu mins peis â'r gyrwyr. Mae'r clwb hefyd wedi bod yn cynnal raffl a fydd yn cael ei thynnu ar ddiwedd taith y tractors, lle bydd cyfle i ennill gwobrau gwych gan gynnwys hamperi Nadolig. Gallwch brynu tocynnau raffl gan unrhyw un o'r aelodau. Dywedodd Helen Pruett, Swyddog Codi Arian Cymunedol Ambiwlans Awyr Cymru: “Diolch yn fawr iawn i CFfI Pontfaen sy'n codi arian ar gyfer dwy elusen bwysig drwy gynnal taith elusennol tractors wedi eu goleuo. Bydd yr achlysur codi arian hwn yn ddigwyddiad gwych i bawb o bob oedran, ac rydym yn gobeithio y bydd pobl yn dod i gefnogi'r holl yrwyr sy'n cymryd rhan. Mae digwyddiadau fel hyn yn helpu'r elusen i sicrhau y gallwn barhau i wasanaethu pobl Cymru pan fydd arnynt ein hangen fwyaf." Manage Cookie Preferences